Հղիություն. առաջին շաբաթ. tsnndatun.am

Առաջին հերթին, ճիշտ կլինի հղիանալուց առաջ նախապես հետազոտվել, որպեսզի առողջական խնդիրների դեպքում հնարավորության սահմաններում դրանք կանխարգելել, քանի որ հղիության նորմալ ընթացքի համար մոր առողջական վիճակը խիստ կարևոր է:

Հղիության առաջին շաբաթը, ինչպես սովորաբար բժիշկներն անվանում են, իրականում դեռ բնավ էլ հղիություն չէ: Կնոջ օրգանիզմը պատրաստվում է ձվազատման և հետագա բեղմնավորման, ինչը կարող է կատարվել 14 օրվա ընթացքում:

Բժիշկները հղիությունը հաշվարկում են ոչ թե բեղմնավորման օրվանից, որը հնարավոր չէ պարզել, այլ վերջին դաշտանի առաջին օրվանից սկսած:

Տվյալ ցիկլում իրականացած բեղմնավորման մասին հայտնի կլինի 3-4 շաբաթից ոչ շուտ, երբ արդեն սկսում են աստիճանաբար արտահայտվել հղիության առաջին նշանները:

Դեռ այդ ժամանակ հազարավոր ձվաբջիջներից այն միակը, որը բեղմնավորվում է, անգամ էլ չի հասցրել դեռ ձվարանից դուրս գալ: Դաշտանային ցիկլի առաջին օրերին սկսվում է առաջնային ֆոլլիկուլներից մեկի աճը՝ ցիկլի 7-8-րդ օրը, անհրաժեշտության դեպքում կարելի է ուլտրաձայնային հետազոտություն կատարել` պարզելու, թե արդյո՞ք հայտնվել է դոմինանտ ֆոլլիկուլը, որը մի քանի օր անց պետք է օվուլյացիայի արդյունքում պոկվի ձվարանից:

Մոր վիճակը հղիության առաջին շաբաթում

Ապագա մայրը պետք է օր առաջ պատրաստվի հղիությանը: Առաջին հերթին, պետք է վերանայել կենսակերպը. հրաժարվել վնասակար սովորություններից՝  ծխելուց, ալկոհոլ օգտագործելուց և այլն:

Դեղորայք ընդունելուց առաջ, եթե դրա անհրաժեշտությունն իրոք կա, պետք է անպայման խորհրդակցել բժշկի հետ, քանի որ շատ դեղեր հակացուցված են հղիության ընթացքում: Դրանց օգտագործումը կարող է բացասական ազդեցություն ունենալ պտղի զարգացման վրա:

Իսկ, օրինակ, ֆոլաթթվի օգտագործումը կարելի է սկսել հենց սկզբից: Այն նպաստում է պտղի նորմալ աճին և զարգացմանը:

Այսպիսով, ապագա մայրը գղիության առաջին շաբաթում պետք է.

• այցելի գինեկոլոգի,
• հրաժարվի վնասակար սովորություններից,
• սկսի ընդունել ֆոլաթթու:

Հարցեր, պատասխաններ, մեկնաբանություններ